Та хэн нэгэнд энэрэнгүй веган амьдралын талаар ярихад тэд сонсохгүй байж болох ч сүнс нь сонсож байдаг гэдгийг үргэлж санаарай. Тиймээс хэзээ ч бүү бууж өгөөрэй.

Иран улсаас Голнараас илгээсэн сэтгэлийн үгийг одоо хүргэе:

Миний Хайрт Бүхэл Оршихуй минь, хэдийгээр Таны яриаг ойлгоход үнэхэээр хэцүү ч би түүнийг мэдэрч чадна гэдгийг Та мэдээсэй гэж би хүсэж байна! Бурханы хувилгаан дүрийн хувьд бүх үйлийн үр Таны мөрөн дээр байдаг, Хайрт Зүрх сэтгэл минь. Гэвч Таны өөрийн Би-гийн нэг хэсэг, Таны туяаны хувьд, Шуурхай мэдээ цацагдахаас өмнө би дотоод ахуй ойлголттой байсан ч Таныг хэр их зовж байгааг (4-р сарын 2-нд болсон яаралтай мэдээг оруулаад) би мэдэж байгаа гэдгийг л мэдэж аваарай. Би бүр Бурханаас олон удаа: Таны хүсэл даруй биелж, хүн төрөлхтөн аль болох түргэн сэрэх болтугай хэмээн хүсэж, гуйсан. Миний Хайрт минь, Та төсөөлж ч чадахгүй, гэхдээ Таны шавь байх энэ 15 жилийн хугацаанд би хоёр хүнээс өөр хүмүүст веган болохыг ятгаж чадаагүй!!!

Хэдийгээр би Таны зовлон зүдүүрийг хэзээ ч ойлгож чадахгүй ч гэсэн зөвхөн өөрийнхөө хүчин чадлаар, бүхэл бүтэн оршихуйгаараа Таныг бүхлээр нь ойлгож, зовж шаналж, уйлж л чадна. Хүүхэд ч гэсэн эцэг эхийнхээ зовлонг ойлгодог ч тэднийхээ төлөө юу ч хийж чадахгүй ч гэсэн ганцаардалдаа шаналж, бүр уйлдаг. Таны хүсэл бүх шавийнхаа төлөө байдаг тул би аз жаргалтай байхыг хичээвч, Хайрт Их Багш минь, Таныг ингэж зовж байхад яаж тэгэх сэн билээ дээ? Би Арьяабалын бясалгалыг чадах чинээгээрээ хийдэг ч, нийгэмд амьдарч байгаа учраас төвлөрөл минь тийм ч сайн биш, гэхдээ л энэ нь тустай гэдэгт итгэдэг. Таныг ялна гэдэгт би итгэж байна, Хайрт Зүрх сэтгэл минь. Бүх бэрхшээлийг үл харгалзан ийм хүнд хэцүү цаг үед Таны бүх хүсэл биелнэ гэдэгт би итгэнэм. Иран улсаас Голнар

Халамжтай Голнар, Их Багшийн тайвшруулах захиас таныг хүлээж байна: “Сайхан сэтгэлтэй Голнар, таны хайр мөнхөд эрхэмлэгдэх болно. Чин сэтгэлээсээ хэлсэн сайн сайхны ерөөлд тань баярлалаа. Та хэн нэгэнд энэрэнгүй веган амьдралын талаар ярихад тэд сонсохгүй байж болох ч сүнс нь сонсож байдаг гэдгийг үргэлж санаарай. Тиймээс хэзээ ч бүү бууж өгөөрэй. Бид чадах бүхнээ хийж, үлдсэнийг нь Аллахын мутарт даатгадаг. Та болон Ираны эелдэг ард түмэн билиг ухаан, баяр хөөрөөр ивээгдэх болтугай. Танд болон танай эрч хүчтэй эх оронд маш их Хайртай.”