Их Багш маань маш их өвдөж, тавгүйтэж байгааг би мэдэрч байсан ч, Тэр зөвхөн энэ гарагийг хайрлах хязгааргүй Хайр болон Энэрэл нигүүлслийнхээ хүчээр л бүгдийг чимээгүйхэн тэвчсэн.

Вьетнам буюу Аулакаас Бао Күиений Aулак (Вьетнам) хэлээр ирүүлсэн сэтгэлийн үгийг одоо хүргэе.

Эрхэм Хайрт Их Багш болон Суприм Мастер Телевизийн хамт олон, Саяхан би Их Багшийг 2025 оны 9-р сарын 11-нд онлайнаар цацагдсан Суприм Мастер Телевизээр үзсэн. Их Багш, Энх тайвны Хаан, Ялалтын Хааны талархсан тухай ярьсан. Их Багш дэлхийн төлөө үүрсэн үйлийн үрийн ачаа болон бусад төрлийн үйлийн үрийн тухайгаа илчилсэн. Би өөрийнхөө дотоод ахуй ойлголтоос хуваалцмаар байна. Арьяабалын дотоодын Диваажингийн Гэрлийн бясалгалын үеэр би Багшийг маш их өвдөж байгааг харсан. Түүний бие нь зарим газраараа суманд цоолуулсан мэт хавдсан байв. Түүний баруун нүд ч мөн адил үйлийн үрийн дарамтанд өртсөн байв. Би уйлж, Их Багшийгаа гүнээр өрөвдөн хайрласан. Яг тэр үед, би Багшийг минь зовлонгоо нимгэлэхэд нь туслаач гэж Бурхан болон Тэнгэрт залбирсан.

Хэсэг хугацааны дараа би Эдгээгч Ертөнцийн Хаан гарч ирэхийг харав. Тэрээр баруун гартаа тунгалаг лонхтой рашаан барьсан байв. Тэрээр зүүн гартаа үнэт өвстэй төстэйгөөр цацарсан Гэрлээр дүүрэн дөрвөлжин алтан хайрцгийг барьжээ. Эдгээгч Ертөнцийн Хаан Тэргүүнээ бөхийлгөж, Их Багшийн үлэмж их Хайр, эрхэм золиослолд гүн хүндэтгэл үзүүлж, талархал илэрхийлэв. Дараа нь тэр хайрцагтай эм, рашаантай савыг надад өглөө. Би тэднийг аваад, Их Багшийн арьсны шарханд эмийг зөөлөн түрхэв. Би Их Багшийнхаа нүд рүү нь рашаантай ус дусаалаа. Их Багш маань маш их өвдөж, тавгүйтэж байгааг би мэдэрч байсан ч, Тэр зөвхөн энэ гарагийг хайрлах хязгааргүй Хайр болон Энэрэл нигүүлслийнхээ хүчээр л бүгдийг чимээгүйхэн тэвчсэн.

Үүнээс хойш долоо хоног орчмын турш, бясалгалын үеэр, миний сүнслэг бие Их Багш дээр үргэлжлүүлэн зочилсон. Одоо ч гэсэн, Эдгээгч Ертөнцийн Хаан Их Багшид тусалсан хэвээр байгаа бөгөөд түүний биеийг бүрхсэн Гэрлийн тунгалаг цэнхэр цагираг бүтээсэн. Би үүнийг яаж бүрэн илэрхийлэхээ мэдэхгүй байгаа ч, би Их Багшдаа маш их хайртай, учир нь Түүний Хайрыг зүйрлэхийн аргагүй юм. Их Багшийгаа хурдан эдгэхийг чин сэтгэлээсээ хүсч байна. Би Хамгаас Хүчирхэг Гуравт хамгийн хүлцэнгүйгээр талархлаа илэрхийлж, Их Багшдаа Түүний хэмжээлшгүй хайр, эрхэм золиослолд талархаж байна. Би Их Багшдаа халуун тэврэлт, зүрх сэтгэлийн гүнээс даруу, эгэл хайрын бэлгээ илгээж байна. Их Багшдаа хурдан эдгэрч, энх тунх байхыг хүндэтгэлтэйгээр ерөөе. Би Танд хайртай, Багш аа. Таны шавь, Аулак (Вьетнам)-аас Бао Күиен

Хүнлэг Бао Күиен, Та бидэнд Хайрт Их Багшийн маань хязгааргүй Хайр, чимээгүй шаналлыг зэрвэсхэн харах боломж олголоо. Түүний дэлхийн үйлийн үрийн хүнд жинг үүрэн, тэвчсэн зовлонгийн гүн гүнзгийг ямар ч үгээр илэрхийлж чадахгүй. Таны дотоод ариун аялал олон хүмүүсийн үл ойшоодог үл үзэгдэх үнэнийг бусдад илчлэхэд тусалж, веган амьдралын хэв маягийг сонгосноор ядаж л эхний алхмыг хийх урам зоригийг тэдэнд өгнө гэж найдаж байна. Их Багшийг хүрээлж буй эдгээх энерги нь Түүнд нэн шаардлагатай тусламжийг авчрах болно гэсэн итгэлээр бид бид зүрх, сэтгэлээрээ өөдрөг байцгаая. Та болон зочломтгой Аулак (Вьетнам) ард түмэн өөрийн өмнө байгаа сайн сайхан замыг бүтээн бий болгох бүх боломжийг бүрэн ашиглах болтугай, Суприм Мастер ТВ-ийн хамт олон

Жич: Багш танд хайрын хариу өглөө: “Зөөлөн сэтгэлт Бао Күиен, Таны хайр, энэрэл дүүрэн захидалд үржилгүй цөл газрын чулуу хүртэл сэтгэл нь хөдлөх байхаа!! Ийм сайхан, энэрэнгүй сэтгэлийг өөртөө шингээж, биеэрээ хэрэгжүүлсэн танд баярлалаа. Таны жинхэнэ анхаарал, санаа тавьсан байдал, сайн сайхныг хүссэн сэтгэлийн үгсэд талархаж байна. Сайн ба муугийн хоорондын тэмцэлд Тэнгэрлэг хүч үргэлж ялдаг. Санаа зоволтгүй хайр минь, гэгээлэг өдрүүд ойртсоор байна. Хамгаас Хүчирхэг Гурвын Ивээл, нигүүлсэлт удирдамжаар Арьяабалын бясалгалын дадалд чин сэтгэлээсээ хөтлөгдөн, сүнслэг ухамсрын өндөр түвшинд хүрч байгааг тань мэдэхэд баяртай байна. Та болон ирээдүйн бодолтой Аулак (Вьетнам) улс нигүүлсэл, цэцэн ухаанаар хөгжих болтугай. Бурхан танд хайртай.”