Нарны Хаан болон Сарны Хаан хоёр Дэлхийг энх амгалан, элбэг дэлбэг байлгахын төлөө тусалж байдаг нь бид бүгдийн хувьд ивээгдсэн агуу адис ерөөл билээ.

Вьетнам буюу Ау Лакаас Чи Майгын ирүүлсэн сэтгэлийн үгийг одоо хүргэе:

Их Багшдаа болон Суприм Мастер Телевизийн хамт олонд гүн хүндэтгэл, мэнд дэвшүүлье! 5-р сарын 17-нд Суприм Мастер Телевизээс Их Багшийн илгээлт болох “Нарны хаантай хийсэн яриа” Шуурхай мэдээ нэвтрүүлэг цацагдсан билээ. Таны илгээлт надад Нар болон Сартай холбоотой туршлагыг маань санууллаа.

Дотоод Диваажингийн Гэрэл дээр бясалгаж байхдаа би дотооддоо гэрэлтсэн бас хэмжээлшгүй том Нар харсан. Маргааш нь би ажлаасаа харих замдаа оффистоо гэрийнхээ түлхүүрийг мартсанаа мэдсэн. Би түүнийг авахаар эргэж очсон. Оффисоос гарахад тэнгэр аль хэдийн бүүдийж, урт зам урд минь сунан харагдаж байлаа. Гэнэт би яг л Арьяабалын бясалгалын үеэр харсан шиг том, алтлаг, гайхалтай гэрэлтэж буй Нар жаргаж байгааг харав. Би баяр хөөр, талархалдаа автсан бөгөөд Нарны Хаанд чин сэтгэлээсээ талархал илэрхийлэв. Түлхүүрээ мартах нь Нарны Хааны зохицуулалт гэдгийг би ойлгосон бөгөөд ингэснээр би бясалгалынхаа явцад харсан Нартай яг таарч байгаа гаднах Нарыг гэрчлэх боломжтой болсон.

Би Нартай холбоотой өөр нэг туршлага олж авсан: Өглөө бүр эрт Нар мандаж, тэнгэрт өндөрт хөөртөл нь би дээвэр дээрээ байнга бясалгадаг. Харин нэг өдөр би тэрнийхээ оронд гэртээ бясалгалаа. Тэр бясалгалын үеэрээ би дотооддоо модны мөчрүүдийн дундуур мандаж буй Нарыг харсан. Бясалгалаа дуусгасан үедээ би гадаа дээвэр дээр гараад дээшээ хартал миний бясалгалынхаа үеэр дотоод ахуй ойлголтдоо харсан яг тэр газартаа Нар байгааг харав!

Би бас бясалгалынхаа үеэр хавирган Сарны талаарх дотоод ахуй ойлголт авсан. Хамгийн сүүлд би дотоод Диваажингийн Гэрлийн бясалгалаа эхлэнгүүт дотооддоо том, тод тэргэл Сарыг харав. Би ихэвчлэн дээвэр дээрээс Сарыг байгалийн тэнгэрт хардаг. Би олон удаа гол Сарыг харж байсан, түүнээс нэг эсвэл хоёр жижиг Сар салан гарч ирээд, холдон хөдөлж байснаа эргэн ирж, дахин гол Сартайгаа нэгэн бүхэл болон нэгддэг байлаа.

Нарны хаан болон Сарны Хаанд би чин сэтгэлээсээ талархаж байна. Хайрт Их Багшийнхаа Тэнгэрлэг Ивээлийн төлөө би гүнээ талархаж байна. Таны хайрласан Арьяабалын аргын сүнслэг зам мөрд эдгээр үнэлж баршгүй дотоод ахуй ойлголтыг Та бидэнд, шавь нартаа соёрхсон билээ. Эргэн нэгдсэн Хамгаас Хүчирхэг Гурван Бурханд бид ямагт талархан, хайраа илгээж, алдаршуулъя. Веган Дэлхий, Энх тайван Дэлхийн төлөө одоо болон үүрд мөнхөд талархаж байна -

Их Багшдаа байнгын Тэнгэрлэг хамгаалалт дор эрүүл энх, бүрэн аюулгүй байхыг хүндэтгэлтэйгээр хүсэн ерөөе. Суприм Мастер Телевизийн хамт олондоо баярлалаа. Хүндэтгэсэн, шавь Чи Май Ау Лак (Вьетнам) улсаас

Баяр хөөртэй Чи Май, эдгээр дотоод ахуй ойлголтыг гаднах туршлагатай хамт хүртэж байгаа тань ямар их адисал вэ! Та эдгээр нандин мөчүүдээ хуваалцсанд бид талархаж байна. Амьдрал бэлэглэгч Нарны Хаан мөн Сарны Хаандаа бид тантай нэгдэн мэндчилгээ дэвшүүлж байна. Та болон яруу Ау Лак (Вьетнам) зон олныг Дээд Тэнгэрийн Оршихуйнууд өдөр бүр адисалж байгааг тэд ухааран мэдэх болтугай. Суприм Мастер ТВ-ийн хамт олон

Жич. Их Багш танд ийм баяр хөөртэй хариу өгч байна: “Хүндэтгэлтэй Чи Май, Арьяабалын бясалгалын итгэлтэй бясалгагч байгаад нь баярлалаа. Эрүүл энх, аюулгүй байхыг хүсэн ерөөсөнд тань баярлалаа. Нарны Хаан болон Сарны Хаан хоёр Дэлхийг энх амгалан, элбэг дэлбэг байлгахын төлөө тусалж байдаг нь бид бүгдийн хувьд ивээгдсэн агуу адис ерөөл билээ. Та болон сүнслэг Ау Лак (Вьетнам) орон Тэнгэрлэг Ертөнцийн алдар суугаар бялхаж байх болтугай. Бас танд их Хайраа илгээе!”