Дэлгэрэнгүй
Татаж авах Docx
Дэлгэрэнгүй уншаарай
Коста Рикагийн ах, эгч нараас ирүүлсэн сэтгэлийн үгийг одоо хүргэе:Их Багшийн Мэндэлсэн өдөр Өнгөрсөн ба ирээдүй үеийнхээ, мөн өөрсдийн нэрийн өмнөөс Таны ариун лагшин нь оршихуй бүрийг адислахын тулд манай гараг дээр хувилан төрсөн энэ жавхлант өдрийг бид тэмдэглэдэг. Бүх Ертөнцийн Хайрт Эзэн, Бидний Хамгаас Хайрт Тим КоТу, Бурханы Цорын ганц Хүү, бидний Аврагч Тандаа баярлалаа. Хэдий үг хэл маш ядмагхан ч бид Таны эрт үеэс хойших хэмжээлшгүй их золиослолд Таны шаргуу хөдөлмөрт, бидний оршихуйн өнцөг булан бүрд мэдрэгддэг Таны хайранд, манай гарагийг аварсанд, хамгийн Хүчирхэг Залбиралд, Арьяабалын аргын Авшиг хүртээсэнд, Бэлэгт, биднийг аварсанд, биднийг Тантай үүрд хамт байх боломж олгосонд, Таны золиосноос үүдсэн олон Адислалд талархаж буйгаа илэрхийлэхийг хүсэж байна.Коста- Рикагийн шавь нар бид Танд хайр, талархлаа илэрхийлж, аз жаргал, амар тайван, эрүүл энх, эсэн мэнд, урт наслахыг ерөөе. Таны мөрөөдөл бүхэн биелэх болтугай!!!Чин бишрэлт Коста Рикагийн ах, эгч нар аа, Хайрт Их Багшийнхаа мэндэлсэн өдөрт зориулсан та бүхний сэтгэлийн үгийг уншиж буйдаа бид маш их баяртай байна! Их Багшийн Хүч, Эрхэм зорилгын талаарх та бүхний жинхэнэ халамж, ойлголт бидний сэтгэлийг хөдөлгөлөө.Түүний халуун сэтгэлийн хариуг та бүхэнд хүргэж байна: “Хайрт Коста Рикагийн Бурханы шавь нар аа, энэ дэлхий зовлонгоор дүүрэн хэвээр байгаа учраас би төрсөн өдрөө тэмдэглэхээ больсон ч та бүхний гүн гүнзгий хайранд баярлалаа. та бүхний сайхан агаад сэтгэл хөдөлгөм захидалд баярлалаа. Тэмдэглэл тань халуун дотно, ерөөлт Нутагт тань өнгөрөөсөн олон энгийн, баяртай өдрийг дурсах мэдрэмж өдөөлөө! Хүний хэл хэзээ ч сэтгэл хөдлөлийн гүнийг бүрэн илэрхийлж чадахгүй, та бүхний хайр, сайн сайхан хүсэл үгнээс тань гэрэлтэж байна. Та болон зочломтгой Коста- Рикагийн ард түмэн гэгээрлийн зам дээрх та бүхний алхмууд үүрд урагшлахыг мэдрэх болтугай. Та бүхний илгээсэн бүх хайр зуу дахин эргэж та бүхэнд очих болтугай! Та бүхнийг Бурханы Адислалаар тэвэрье."
