ӨДӨР ТУТМЫН МЭДЭЭ-ний гол тойм – 2025 оны 9-р сарын 26

НАТО-гийн агаарын орон зайг Орос олон удаа зөрчсөний дараа АНУ Польш болон Балтийн орнуудыг хамгаалах болно гэж Ерөнхийлөгч Трамп Орост анхаарууллаа. (Нью-Йорк Пост)

АНУ Киевийг дэмжих зорилгоор 150 сая ам.долларын ашигт малтмалын хөрөнгө оруулалтын сан байгуулснаар Украин (Урейн)-ы эдийн засаг хөдөө аж ахуй, аж үйлдвэрийн үйлдвэрлэл, цахилгаан эрчим хүч зэрэг салбартаа гайхалтай өсөж байна. (baotintuc.vn)

АНУ-ын Конгрессын Төлөөлөгчдийн танхимын төлөөлөгчид хурцадмал байдлыг намжаах, цэргийн хамтын ажиллагаагаа сайжруулах зорилгоор [Хятадын] Бээжин хотод айлчилж, ерөнхий сайд Ли Цян, Батлан хамгаалахын сайд Дун Жюн болон бусад хүмүүстэй уулзав. Төлөөлөгчдийн тэргүүн [Ардчилсан намын] Адам Смит Хятад, АНУ хоёр дэлхийн энх тайван, аюулгүй байдлыг хамгаалахад хамтран ажиллах сонирхолтой байгаа тул харилцааны нээлттэй сувгийг хадгалах нь чухал гэж үзэж буйгаа илэрхийллээ. (Аль Жазира)

Ерөнхийлөгч Трамп барууны үзэлтэй, нөлөө бүхий залуу идэвхтэн асан, талийгаач Чарли Киркийг “Америкийн эрх чөлөөний төлөө амиа алдагч” хэмээн өргөмжилж, Ерөнхийлөгчийн эрх чөлөөний медалиар шагнаснаа гэр бүлд нь гардуулан, Түүнийг 2024 оны сонгуульд ялалт байгуулахад чухал хувь нэмэр оруулсныг онцлов. (Fox News)

Ерөнхийлөгч Трамп жирэмсэн үед тиленол (ацетаминофен) хэрэглэх нь хүүхдэд аутизм үүсэх эрсдэлийг нэмэгдүүлдэг гэж мэдэгдэн, АНУ-ын Хүнс, Эмийн Хяналтын Газраас үүнийг хязгаарлахыг зөвлөлөө. Мөн Ерөнхийлөгч хүүхдүүдийг “хэт вакцинжуулах”-ыг шүүмжлэв. Эрүүл мэндийн сайд бага Роберт Ф.Кеннеди Түүнийг дэмжин, аутизм нь генетикээс илүүтэй хүрээлэн буй орчны хорт бодисоос үүдэлтэй гэдгийг нотлон, төрийн агентлагуудын хамтарсан судалгааг түргэтгэхээ мэдэгдсэн байна. (Фокс Ньюс)

Хятад улс үндэсний эрүүл мэндийн даатгалаа өдгөө 207 ховор өвчин, ховор эмгэгийн 100 орчим эмд хамруулан өргөжүүлж, ховор өвчинтэй иргэдийн эрүүл мэндийн үйлчилгээг тэгшитгэхийг зорьж байна. (China Daily)

Орос улсад 1990-2000-аад онд төрөлт огцом буурсантай холбоотойгоор бага ангийн сурагчдын тоо буурч, багшийн илүүдэлтэй байгаа тул боловсролын шинэчлэл, гэр бүлийг дэмжсэн бодлогын төлөвлөгөөг гаргахаар болжээ. (VTV)

Хоол тэжээлийн мэргэжилтнүүд брокколиг “гэдэсний шүүр” болж, эслэгийн өндөр агууламжтай тул хоол боловсруулалтыг дэмжин, өтгөн хатахаас сэргийлдэг супер хүнс гэж магтдаг. Энэ нь тархины эсийн доройтлыг удаашруулж, сэтгэцийн хомсдол, Альцгеймерийн өвчний эрсдэлийг бууруулдаг ургамлын гаралтай хамгаалалтын нэгдэл болох сульфорафаныг агуулдаг юм. К, В6 витаминаар баялаг брокколи нь танин мэдэхүйн үйл ажиллагааг дэмждэг бол кали нь цусны даралт болон холестериныг зохицуулж, цус харвалт, зүрхний шигдээс үүсэх эрсдэлийг бууруулдаг. Урт насалж, эрүүл байхын тулд брокколиг долоо хоногт тав буюу түүнээс дээш удаа оройн хоолондоо бага зэрэг уураар жигнэж, эсвэл чанаж идээрэй. (Khỏe Mỗi Ngày Tuổi 60)

Судалгаанаас үзэхэд хулууны үр нь хэт ойр ойрхон шээх, шөнийн цагаар байнга шээхийг багасгадаг байна. Магни, триптофанаар баялаг хулууны үр нь булчинг сулруулж, нойрыг сайжруулахаас гадна түрүү булчирхайн эрүүл мэндэд тустай. Ургамлын ашиг тусыг хүртэхээр өдөр бүр бага зэрэг идээрэй. (Hành Trình Khoẻ Về Già)

Хоол тэжээлийн мэргэжилтнүүд шар буурцаг нь биеийн дааврыг тэнцвэржүүлэхэд тусалдаг гэж үздэг. Эдгээр нь ялангуяа цэвэршилтийн үеийн эмэгтэйчүүдэд тустай бөгөөд нойрыг тасалдуулдаг халуун оргих, шөнө хөлрөх зэрэг шинж тэмдгүүдийг бууруулдаг. Эдгээр нь хоол боловсруулалтыг сайжруулж, ходоодыг тайвшруулан, илүү сайн амрахад тусалдаг бөгөөд бүрэн уургийн маш сайн эх үүсвэр юм. Үүнийг эрүүл веган хоолны бүх амттай нэмэлтүүд болгон дүфү, едамаме, темпе, эсвэл чихэргүй шар буурцгийн сүү хэлбэрээр хэрэглэж болно. (Hành Trình Khoẻ Về Già)

АНУ-ын Trader Joe's хүнсний дэлгүүрийн сүлжээ листериа бактерийн бохирдол байж болзошгүй гэсэн шалтгаанаар цацагт хяруулын боодол бүтээгдэхүүнийг эргүүлэн татав. (Хоолны хордлогын сэтгүүл)

Америкийн мэргэжлийн хөл бөмбөгчин Ник Хэмптон бяслагтай стейк (үхрийн мах, бяслагтай сэндвич) идсэний дараа өвдсөний улмаас тоглолтыг өнжсөн байна. Ноён Хэмптон эмнэлэгт хэвтсэн бөгөөд ийм хоол идсэн нь “сүүлчийн удаа” байх болно гэж олон нийтийн сүлжээнд бичин, Филли бяслагтай стейк идэхийн оронд “шороо идсэн нь дээр” гэж хэлсэн байна. (Rams Wire)

Судалгаанаас үзэхэд 200 сая гаруй америк хүн хорт хавдар үүсгэдэг химийн бодисоор бохирдсон крантны ус уудаг эрсдэлтэйг тогтоожээ. Иймээс нитрат, хүнцэл зэрэг бохирдуулагчдад холбооны аюулгүйн хязгаарлалт тогтоохыг шаардсан байна. (Үнэн)

Малайз улс Омикроны дэд хувилбар болох шинэ, өндөр халдвартай КОВИД-19-ийн хувилбар XFG-ийг анхааралтай ажиглаж байна. (baotintuc.vn)

Судалгаагаар урт хугацааны КОВИД-ыг умайн хэвийн бус цус алдалт, тэр дундаа илүү их хэмжээний удаан үргэлжлэх болон сарын тэмдгийн хоорондох цус алдалттай холбон үзэж байгаа ажээ. (MedicalXpress)

[Тайвань (Формоса)-ийн] Чанхуа: H5N1 шувууны ханиад өндөг гаргадаг тахианы аж ахуйд илэрсэн тул сэрэмжлүүлэг өгч, урьдчилан сэргийлэх арга хэмжээ авч байна. (Тайбей Таймс)

4.3 магнитудын хүчтэй газар хөдлөлт [АНУ-ын Калифорни мужийн] Берклид болж, ойролцоох хотуудад хүчтэй чичиргээ мэдрэгджээ. Энэ бол орон нутгийн оршин суугчид болон ажилчдыг гайхшируулж, удаан хугацааны турш мэдрэгдсэн хамгийн хүчтэй газар хөдлөлт байв. (The Hill)

Испанийн Мурсиа мужид аадар бороо, мөндөр орж, хот суурин газруудад ер бусын хур тунадас орсон тул цаг агаарын сэрэмжлүүлгийг хүргэлээ. (Евро долоо хоног бүр)

Франц, Испанид аадар бороо орсны улмаас хүчтэй үер бууж, хүний амь нас эрсдэн, аврах ажиллагаанд хүргэсэн бол Италид аадар борооны улмаас тээврийг саатуулжээ. (Өдөр тутмын шуудан)

Асар хүчтэй хар салхи Рагаса [Филиппиний] Калая арлыг дайрч, онцгой байдлын бэлтгэлийг ханган, том хот Манила болон Лузон даяар хичээлүүдийг түр зогсоов. (Ройтерс)

Рагаса хар салхи ойртон, нислэг болон орон нутгийн үйл ажиллагаанд нь нөлөөлсний улмаас Хонконгийн олон улсын нисэх онгоцны буудал 36 цагийн турш хаагдсан байна. (Ройтерс)

Габриэль хэмээх халуун орны шуурга Бермудын ойролцоох Атлантын далайд хүчтэй хар салхи үүсгэж, Бермуд, Канад, АНУ-ыг хамарсан аюултай далайн шуурга авчирлаа. (The Watchers)

Шведийн эрдэмтэд биед тохирох, цахилгаан дамжуулагч хуванцрыг бүтээж, үйлдвэрлэлийг хялбарчлан, хортой материалаас зайлсхийж, эмнэлгийн аюулгүй, элэгддэг төхөөрөмжүүдийн замыг засаж байна. (TechXplore)

АНУ-ын Helix Wind гарааны компани 2 кВт-ын хүчин чадалтай, сууцыг 30 жил хүртэл эрчим хүчээр хангах боломжтой салхин хөдөлгүүр бүтээжээ. Өвөрмөц загвар нь салхийг бүх чиглэлээс барихаас гадна хөдөлгөөнт эд анги цөөн тул уламжлалт хөдөлгүүрээс илүү бат бөх, засвар үйлчилгээ бага шаардана. (El Diario 24)

АНУ: 1.2 метр өндөр, 7 настай охины төрхтэй Робин нэртэй эмчилгээний роботыг хүүхэд, өндөр настай өвчтөнүүдэд туслах, сэтгэцийн эрүүл мэндийг сайжруулах, ажилтнуудын ажлын ачааллыг бууруулах зорилгоор 30 эмнэлгийн байгууллагад байрлуулсан байна. (VnExpress)

Их Британи аав Бен О Брайен талийгаач хүү Леогоо хүндэтгэн, унадаг өвчний тусламжийг сайжруулах зорилгоор 18,000 фунт стерлинг цуглуулж, айл өрхүүдийг дэмжих, эрүүл мэндийн тогтолцоог сайжруулахын тулд [Их Британийн] Англи даяар 418 км замыг дугуйгаар туулжээ. (BBC)

[АНУ-ын] Аризона: ​​Сан-Карлос Апачийн цагдаа нар гэнэтийн үерээс ихэвчлэн хуурай байдаг голын сайрын дундах жижиг хэсэгт гацсан таван хүүхэд, нэг нохой-хүнийг аварсан байна. (Аризонагийн гэр бүл)

[АНУ-ын] Виржиниа мужийн оршин суугч Кэрри Эдуардс хиймэл оюун ухаан (ХОУ)-ны санал болгосон тоонуудыг ашиглан сугалаанд 150,000 ам.доллар хожиж, бүх хожсон мөнгөө буяны үйлсэд хандивлажээ. (Түөи Трэ)

[АНУ-ын Пенсильвани мужийн] Армстронг хошууны хүмүүнлэгийн ажилтан Амбер Бринк өөрийн үүсгэн байгуулсан “Champion's Crusaiders Rescue” ашгийн бус байгууллагынхаа шугамаар 900 гаруй амьтан-хүнийг аварсан байна. Түүний охин Кларисса Аронсон зэрэг гэр бүлийн гишүүд нь амьтан-хүмүүсийг үрчлүүлэх хүртэл нь халамжилж тусалдаг. (CBS)

[Ау Лак (Вьетнам)-ын] Куан Нгаи: Гарцын хамгаалагч Нгуиень Сонь Оаньх ирж буй галт тэрэгтэй мөргөлдөхөөс хэдхэн минутын өмнө мотоциклтой хүний амийг аварчээ. (VTV)

[Энэтхэгийн] Мумбай хотын цагдаагийн ахлах байцаагч Судхир Кудалкар 7000 гаруй гишүүнтэй WhatsApp мессежийн аппликейшн дээр ЦАД (Цэвэр амьтдад дурлагсад) бүлэг байгуулж, төөрсөн, хүчирхийлэлд өртсөн амьтан-хүмүүсийг авран, цагдаагийн газрынхаа нэг хэсгийг хоргодох газар болгон хувиргаж, хүчирхийллийн 3500 гаруй хэрэгт хариу арга хэмжээ авсан байна. (The Free Press Journal)

Эртний мэргэн ухаанд Тэнгэрийн ивээлтэй нууцаар адислагдсан буянтай хүний ​​9 шинжийг ийн илэрхийлжээ: 1) Өөрийгөө зориулах сэтгэл + Бусдын сайн сайхныг бодож, энэрэл нигүүлсэлтэйгээр аливааг үйлдэх нь үл үзэгдэх ерөөл хуримтлуулж, бэрхшээлийг боломж болгон хувиргана. 2) Хариу нэхэлгүй туслах + Алдар нэр хайлгүйгээр бусдад туслах нь жинхэнэ буян хурааж, аюулаас хамгаалж, бэрхшээлийг даван туулахад чиглүүлдэг. 3) Байнга тусламж авах + Хүнд хэцүү үед байнга тусламж хүртэх нь өмнө хийсэн сайн үйлийн буянаар Бурханы хамгаалалт ирж буйн илрэл. 4) Сайн нөхөрлөл + Буянтай хүмүүсээр хүрээлэгдсэн байх нь өөрийн сайн чанарыг нэмэгдүүлж, дэмжлэг үзүүлэх орчныг бүрдүүлдэг. 5) Уучлал + Хорсол гомдлыг орхих нь дотоод амар амгаланг хадгалан, өөртөө учруулж болох зовлон зүдгүүрээс сэргийлж, Бурханы Ивээлийг татдаг. 6) Даруу байдал + Онгирч сагсуурахгүй, чимээгүйхэн сайн үйл хийх нь адис ерөөлийг хадгалан, Диваажингийн зарчмуудтай нийцдэг. 7) Өөрийн эрхгүй ундрах хайр + Бусдад аяндаа хайрлагдах нь цэвэр зүрх сэтгэл, өөрийн эрхгүй сайхан сэтгэл гаргахыг илэрхийлнэ. 8) Дотоод амар амгалан + Сэтгэл ханамж, тайван унтах, талархал нь тогтвортой байдалд адислагдсан буянтай амьдралыг илтгэдэг. 9) Гэнэтийн боломжууд + Хайхгүйгээр азтай үйл явдалтай учрах нь Тэнгэрлэг зохицуулалтаар удирдуулсан хуримтлагдсан буяныг илтгэнэ.

Буянтай амьдралаар бий болсон эдгээр шинж тэмдгүүд нь нинжин сэтгэл, даруу байдал, чин сэтгэлтэй амьдардаг хүмүүсийг Диваажин шагнадаг тул нарийн боловч асар их Тэнгэрлэг хамгаалалтыг баталгаажуулдаг. (TINH HOA CỔ XƯA)

Буддын шашны “Дхаммапада” сударт эдгээр 6 хорио цээрийн аль нэгийг зөрчвөл Бурхан Багшийн нэрийг давтаад ч үр дүнд хүрэхгүй, оюун санааны хөгжил дэвшилд саад болж, сүсэг бишрэлтэй байсан ч зовлон зүдгүүр учирна гэж сургадаг: 1) Ачлалгүй байх – Эцэг эхдээ ачлалгүй байх нь буян хураахад саад болно. 2) Уур хилэн, хэрүүл маргаан – Хатуу ширүүн үг ерөөл буяныг сарниулдаг. 3) Чин сэтгэлгүй мөргөх – Тарнийг чин сэтгэлээсээ уншихгүй бол буян хураахгүй. 4) Хөнөөх – Амьтан-хүний мах идэх зэргээр амь таслах нь зөрчил тэмцэл, үйлийн үрийн шийтгэлийг тарьдаг. 5) Хууль бус бизнес - – Цэвэр бус баялаг нь өргөлийг хүчингүй болгодог. 6) Донтолт ба ёс бус байдал – Сөрөг зуршил дотоод гадаад зохицлыг эвдэж, адис ерөөлийг хоосолдог. (Phật Âm Từ Bi )

Америк сувилагч Соня Кристенсен клиник үхэлд орсон тухайгаа өгүүлж байна: Соня 12 настай байхдаа 13 ах дүүгийн хамт нуур руу очжээ. Хүчтэй усанд сэлэгч аав нь хүүхдүүдээ ус руу шидэж сэлж сургах нь дадал болсон байсан тул тэр л байдлаараа түүнийг ус руу шидэв. Энэ үеэр Соня нуруугаараа ус цохиж, уушгинаас нь бүх агаар гарчээ. Тэрээр хад шиг живж, харанхуй, шаварлаг усны гүн рүү живэн, үхэх нь гэж бодсондоо сандарч байв.

Дараа нь Соня урьд өмнө нь сонсож байгаагүй сайхан, сахиусан тэнгэрийн дуу хоолой тайвнаар “Битгий тэмцэлд.” гэж хэлэхийг сонсож гэнэ. Эхэндээ айж сандарсан ч хөөрхөн цэцэгт тайлбар хийж байгаа мэт тайван, бодит өнгө аястайгаар “Битгий тэмцэлд.” гэж тэрхүү дуу хоолой давтан хэлэв. Соня эцэст нь зогсоход ус харанхуй, булингартай байснаа үзэсгэлэнтэй цайвар ногоон болж хувирчээ. Соня ургамал дээрх жижигхэн очир алмаз шиг усны бөмбөлгүүд, нарны бүдэг туяа усыг зөөлөн шүүж байхыг харлаа. Ус нь долгион, хөшиг шиг хөдөлж, жижиг загас-хүмүүс агаарын бөмбөлгийг залгихыг ажиглав. Тэрхүү дуу хоолой ”Тайвшир, тайван бай, чи зүгээр, чи зүгээр.” гэж хамгийн тайван өнгөөр ​​хэлсэн байна. Энэ нь түүнд “Чи хичээсээр л байвал амьдралдаа амжилтад хүрэх болно. Битгий ай. Айдас бол чамайг зогсоох зүйл.” гэж зөвлөжээ. Соня маш их тайвширч, асар их амар амгалан, гоо үзэсгэлэнд хучигдан, унтмаар мэт болжээ.

Гэнэт аав нь түүний гараас татан, газрын гадаргуу руу чирэв. Сонягийн хувьд энэ явдал богино байсан ч хэдэн цаг, хэдэн өдөр болсон юм шиг санагджээ. Дээш гаргаад зүрх, уушгийг сэргээх сэхээн амьдруулах эмчилгээ хийсэн нь өвдөлттэй байсан бөгөөд тэрээр усан доорх тайван ертөнцөд буцаж очихыг хүсэн, бөөлжиж байлаа.

Тэрхүү дуу хоолой мартагдашгүй хэвээр үлдсэн бөгөөд тэр цагаас хойш Соня үхлээс хэзээ ч айсангүй. Түүнд тохиолдсон явдал сувилахуйн болон цогц бясалгалын ажилд нь хувь нэмрээ оруулж, тэрээр нас барж буй хүмүүсийг тайвшруулан, тэдэнд айх зүйл байхгүй, итгэл үнэмшил, зан үйлээс үл хамааран зөвхөн Бүтээгчийн цэвэр хайр байдаг гэдгийг ойлгуулдаг болжээ. (Тиа Рене)

Энэ өдрийн онцлох эшлэл: “Аллах та нарын бие, дүр төрхийг хардаггүй, харин зүрх сэтгэл, үйлдлийг чинь хардаг.” – Хүндэт Гэгээрсэн Бошиглогч Мухаммед (цагаан хоолтон) (Тэрээр амгалан байг)